Домогт Бpюс Ли 1940 оны яг энэ өдөр буюу 11 сарын 27 -нд энэ хорвоод мэндэлжээ. Ингээд энэ удаад домогт их мастер, хүүхэд насны маань дэлгэцийн гайхамшиг шүтээн болсон алдартныхаа амьдрал уран бүтээлээс энэхүү блог дээрээ оруулхаар шийдлээ. Тиймээ тэр бол амьд домог, агуу тулаанч "хүн-луу" байсан юм.Брюс Ли (Хятад хэл: 李振藩) нь Холливудын од, философич, тулааны урлагийн мастер, кино найруулагч, зохиолч байж чадсан гайхалтай хүн.
Түүнийг Таймс сэтгүүл 20-р зууны хамгийн нөлөөтэй 100 хүний тоонд Альберт Эйнштейн, Мартин Лютер Кинг, Адольф Гитлер нартай цуг оруулсан юм.
Амьдрал
Брюс 1940 оны луу жил Сан Францискогийн хятад хороололд мэндэлсэн. Ээж нь түүнд дом болгон Ли Юн Фан гэдэг охин хүүхдийн нэр өгсөн. Учир нь муу сүнс эрэгтэй хүүхдийг жаахан байхад нь аваад явдаг гэсэн мухар сүсэгтэй холбоотой ажээ.
Тэрээр жүжигчнийхээ карьерийг нэг настай байхдаа “Алтан хаалганы охин” гэдэг жүжигт тоглон эхэлсэн байна. Зүгээр л тэврүүлэн гардаг ч гэсэн жүжиг бол жүжиг, дүр бол дүр.
Түүнийг гурван настай байхад гэрийнхэн нь Хонг Конгруу нүүсэн байна. Тэнд очсон хойноо ч гэсэн тэрээр кино болон, жүжигт тоглосоор байлаа. Гэхдээ дандаа охин хүүхдийн дүрд. Сургуульд орохдоо тэрээр охины нэртэй гэдгээ мэдэн нэрээ Брюс болгон өөрчилсөн байна. Сургууль дээрээ зодуулсныхаа дараагаас Кунг Фугаар хичээллэж эхэлжээ. Удалгүй өөрийгөө маш их авъяастайгаа харуулсан боловч үргэлж л зодооны хэрэгт орооцолддог болсон тул гэрийнхэн нь түүнийг Америк руу буцаан явуулсан.
Ингээд тэр Сиэтлд очин философи үзэж эхэлсэн ба хажуугаар нь тулааны урлаг зааж байлаа. Хэдхэн жилийн дотор түүний шавь нарын тоо маш их болсон ба Чак Норрис, Стив МакКүйн, Карим Абдул Жаббар зэрэг одууд ч шавь нь болсон юм. Ли сургуулиа хаялаа. Гэхдээ гэргий Линдатайгаа уулзсаныхаа дараа тэр хоёр ердөө жилийн дараа гэрлэжээ.
Калифорнид нүүн ирж тулааны урлагийн сургууль нээв. Үүнд нь дургүйцсэн нутгийн тулааны мастерууд халз тулаанд дууджээ. Халз тулаанд ялсан боловч маш удаан үргэлжилсэн учир Ли шинээр арга барил зохиож эхэлсэн байна.
"Нутгийн индиан"-уудыг нүдсэнээр Калифорнид алдаршаад байсан ч улсын аваргад орсноор тэр жинхэнэ од боллоо. Финалд Дэн Инсантог зүгээр л уншив. Инсанто ч тэмцээний дараа түүний шавь болсон юм.
Лигийн энэ алдартай болж байгаан Холливудынхны анхаарлыг татаж эхлэв. Бэтмэний нэг анги болох "Грийн Хорнет"-эд Хорнетын жолооч Катогийн дүрд тоглох санал ирэв. Кино ч амжилттай болж ирэв. Үзэгчид Хорнетээс илүү Катог сонирходог болсон байлаа.
Түүний нэр алдар маш хурдтай өсч байсан яг тэр үед тэрээр нуруундаа маш хүнд бэртэл авав. Эмчлүүлж байх хугацаандаа өөрийн тулааны урлаг болох Жэт Кун Догоо боловсруулжээ. Жэт Кун До нь бусад маш олон тулааны урлагийн нийлмэл, холимог цогц зүйл байлаа. Мөн тулааны урлаг болон философийн талаар ном бичсэн.
Кино, уран бүтээл
1970 онд тэрээр Хонг Конг руу буцлаа. Очсон даруйд нь л адал явдалтай киноны продюсерууд танилцав.
Ли өөрөө зохиолыг нь бичиж, тулааны хэсгийг нь найруулан анх удаа гол дүрд нь тоглосон “Хилэнт нудрага” киногоо 100,000 долларын зардалтай хийлээ. Кино маш хурдан өрнөлттэй мөн тэр чигээрээ цус байлаа. Гэвч үнэхээр том хит болсон юм. Тэрээр дэлгэцэн дээрх тулаан ямар болбол үзэгчдэд аятайхан байхыг судалж эхлэв. Түүнийг ирэхэд тулаантай кинонуудын зодоон нь удаан хөдөлгөөнтэй мөн бүтэшгүй хийсвэр зүйлүүдтэй дүүрэн, нисч дүүлсэн хүмүүстэй кинонууд байлаа.
Ли бүх киноныхоо тулааны хэсгүүдийг өөрөө найруулан, өмнөх кинонуудын супермэнүүдээс татгалзан, амьдралд ойрхон, гэвч маш хурдан хөдөлгөөнтэйгээр хийж эхлэв.
1972 онд “Луу иргэж ирсэн нь” кинонд өмнөх киноныхоо зохиолтой адил мафийнхнаас гэр бүлийнхнээ хамгаалсан дүр бүтээв. Гэвч энэ удаа киноны зураг авалт Ромд болсон байна. Амьдрал дээрх шавь Чак Норристой Коллезиумд амь насныхаа төлөө тулалдаж байгаа хэсэг нь киноны оргил хэсэг нь юм. Үүний дараагаас Чак Норрис адал явдалт киноны од болох гараагаа эхэлсэн.
Уг киногоо залгуулан “Үхлийн тоглоом” нэртэй кино хийж эхэлсэн ч зураг авалтыг хараахан дуусгалгүй Америк явлаа. Учир нь Холливууд түүнийг дахин сонирхож эхэлжээ.
Мөн 1972 ондоо гаргасан "Enter the Dragon" нь Лигийн кинонууд дунд магтаалаас өөр зүйлээр шүүмжлүүлээгүй кино болсон юм. Хонг Конг, Холливудтай хамтарсан тэр бүтээлээ 850,000 доллар заран бүтээсэн нь тухайн үеийн хамгийн супер одод тоглосон, үнэтэй кино болгож байлаа.
"Enter the Dragon"-д өмнөх кинонуудад гаргасан бүх алдаагаа зассан байлаа.
Үхэл
Гэвч кино нээлтээ хийхээс долоо хоногийн өмнө Брюс 32 насандаа тэнгэрт хальсан юм.
Түүний үхлийн шалтгаан учир бүтүүлэг байсаар өнөөдрийг хүрээд байна. Албан ёсоор тархинд нь цус харвасан гэсэн боловч маш олон таамаг байдаг. Зохион байгуулалттай хордуулсан, мансууруулах бодис их хэмжээгээр хэрэглэснээс болсон гэж үздэг.
Мөн түүний хүү Брэндон Ли 1994 онд "Хэрээ" гэдэг кинонд тоглож байхдаа 28 насандаа буудуулан үхсэн юм.
Брюс Лигийн гэнэтийн үхэл нь түүний кино урлаг дахь байр суурийг нь хөдөлгөж чадаагүй юм. Нэгэн удаа тэрээр "Үхэшгүй мөнх байхын гол зүйл нь үргэлж дурсагдахаар үнэ цэнэтэй амьдрах" хэмээж байсан, тиймээс ч одоо түүний амьдралын талаар хэн нэгэн мартана гэсэн айдас үгүй.
Продюсеруудын хувьд мөнгөний машин нь байхгүй болсон ч дуусаагүй “Үхлийн тоглоом” болон алдарт шар мотоциклын хувцастай хэсэгт Эд Вүүдийг тоглуулан нэмж, нийлүүлэн гүйцээн “Үхлийн тоглоом"-ыг гаргасан юм.
Үүний дараа ч түүний сүнс амар нойрссонгүй. Түүнтэй адил дүр төрхтэй хүмүүсийн тоглосон маш олон кино ар араасаа цувран гарсаар байлаа. Хамгийн тэнэг нь тэдгээр хүмүүсийн нэрийг Bruce Le, Bruce Li, Bruce Lai, Bruce Thai, Bruce Lea and Dragon Lee хэмээн нэрлэж байлаа. Эдгээр олон хүмүүс өөрсдийгөө Брюсын залгамжлагч болгохоор зүтгэж байсан юм.
Мөн “Онгоцны буудал дээр би түүнийг харсан” гэх мэтчилэн Брюсыг амьд, өөрийн үхлээ Жим Моррисон, Элвис нар шиг худлаа зохиосон гэсэн цуу нэг хэсэг энд тэндгүй гарах болов.
Тэрээр дэлхийн кино урлагт тодоос тод гялалзан харваад одсон од юм.
Эх сурвалж: Wikipedia
26 сэтгэгдэл:
minii namtariig oruulsand talarxaj bna kk
Бага байхдач үнэн фэн байлаа ш дээ тэмдэг, зурагнуудын цуглуулаал үхдэг байлаа даа.
Bruce XyH айн хэхэ
Өнөөдөр Брюс Ли, Аниргүй 2-ын төрсөн өдөр юм байна. 2-ланд нь хайпи бөөртдэй. Та 2 шүү.
Брюс Ли ч лаг л даа. Гэхдээ яагаад ч юм жаахан уйтгартай санагддаг. Надад лав Жеки Чаны кинонууд илүү гоё сонирхолтой байдаг.
Хэхэ, Аниргүйд төрсөн өдрийн мэнд ::^.^::
Брюс Хун, Брюс Далай 2-т харин тийм. Дуурай янз бүрийн хөдөлгөөн хийж байгаад өөрийгөө болон дүүгээ зөндөө л гэмтээж байлаа. хэхэ
Ундрига: Брюсийн үед тулаант кино хөгжөөгүй байсан болохоор одоо үзэхэд жаахан тийм талууд бий. Гэхдээ энэ хүн л энэ төрлийн киног анх бий болгосон болохоор мундаг л даа.Тэр битгий хэл англи үгийн санд кунфу гэдэг үгийг оруулсан гэжугам. хэхэ. Анхдагч гэдэг утгаараа агуу л даа.
Майжиг телевизээр цувралаар гараад байгааг нь үздэг юм. Үзэхэд сонирхолтой кино юмшиг санагдсан.
tnx boruce lee
ай мундаг хүн явжийна шд манай блог дээр. манай ах Ли-гийн зурагтай цамц жаахандаа өмсдийн бсийн хүүхдүүд хараал хо ха хаанаас авсийн гээл. Ханаар дүүрэн брюс ли, майкл жордан, майкл жексоны зургууд хөөрхөн ч бж дэ ах. тэгсэн одоо дэнхийсэн хар юм зүгээр нтр
аа нөгөө Брюсийн имиж нэг пооз бдаг па эрхий хуруугаа хамартаа яг ингэж хүргээл ккк та нарт төсөөлөгдөж бгаз дэ
донкпал тэрийг дууриадаг шд мэдхүү таануууд хахахахаха яг ингэээл хахахахахах балайн яг ингий шүү таанууд харжийна ууу жиг шиг
Брэндон Ли нь үнэн тэнэг үхсэн юм байлээ тэ? Хэрээгийнхаа буудуулдаг хэсэг дээр нь жинхэнэ сум хийгээд алсан гэсэн байх шүү. Маф энэ тэртэй нилээн орооцолдцоноос болсын болуу гэж би боддын үхлийг нь. Хиаааа дүфффф....
Манай блогийн 13 дахь дайчин нь Доктор болсон байнашд. Нээрээ хальт харахад Антониа Бандерастай адилханчимшиг :P Одоо үүнээс цааш газар үгүй гдг шиг хүн үгүй болждээ.
13 ч гоё тоо шүү дээ. Масончуудын бэлгэдэл ккк
Брюс Лигийн киног үзээд эмэгтэй ч гэлтгүй бие хамгаалах урлагаар хичээллэх юмсан гэж их л боддог байлаа шд кккк
Аниргүй төрсөн өдрийн мэнд!
манай 13 дахь дайчин хаа явнаа. ерөөсөө Танилц дайчид болгодиймуу эсүүл ocean's 13 нтр
заа төрсөн өдрийн мэнд хүргэсэн бүх хүмүүстэйй баярллааа
ЛЮ ах бид 2 төрсөн өдрө сайхан тэмдэглэнээ гэхгүй юу кккккк
Айхтар айхтар.
Дайчдаа өнөөдөр ямар нэг юм хийх үү?
Анти-*г дэмжиж байна. Ямар нэгэн зүйл хийхгүй юм уу даа.
13 дахь дайчин болцон байна шд. Би нь уул нь байж л байгаа шд энэ хавиар.
ӨӨӨН ИНГЭЖ ХЭЛЭЭД БАЙСЫМУУ КККККК АААН ЗАЗА БИ ТЭГҮҮЛ 3 ДАХЬ НЬ ЮМ БАЙНА ӨӨӨӨӨ. ДАЙНД ЯВХАД БАС ХАМГИЙН ТҮРҮҮНД ОРОХ ЭГНЭЭНД Л ЗОГСОХ ЮМ БАЙНА ДАА ТИЙМЭЭЭ
ли-н чөлөөт өрөлт өдгөөг хүртэл төгсгөлийн эрс шинэчлэлт тааварлашгүй тулааны стилын билэгдэл болон ашиглагдсаар байгаа бөлгөө.
нээрээ л том од шүү
нэг хэсэг хамраа арчиж байгаад л зодолддог блаа шд хэхэхэхэ
муу хужаа шаахайг брюс ли шиг л харагдах гэж өмсдөг бсан шд хэхэ
gudaaa dish tish dish
aaaa gudaaa