Movie Club

Өвөрмөц эхлэл, өөрийн гэсэн имиджтэй ганган хослол бүхий чадварлаг тагнуулч,  техник технологийн дэвшилтэт зэр зэвсэг, ар араасаа үргэлжлэх гайхалтай хурц үйл явдалууд. Тиймээ энэ бол та бидний мэдэх Жеймсийн Бондын тухай уран сайхны цуврал кино.

Дэлхийн кино урлагийн оронзайд өөрийн гэсэн оронзайг эзлэн оршдог энэ цувралын анхных болох “”Dr. No” хэмээх кино 1962 онд гарч байсан бөгөөд одоогийн байдлаар Жеймс Бондын цувралын хүрээнд нийт 22 кино  гараад байгаа юм байна. Энэ хугацаанд кино маань 6 гол дүрийн жүжигчин, 10 найруулагчийн нүүрийг үзжээ. За ингээд энэхүү гайхалтай кино цувралын гол дүрийн жүжигчдийн талаарх мэдээллийг хүргэхээр шийдлээ.

Sean Connery
Хамгийн анхны Жеймс Бонд бол та бидний дэлгэцийн танил Шотланд гаралтай жүжигчин, продюсер Шон Коннер юм.  Тухайн үедээ Холливүүдийн хамгийн царайлаг залууд тооцогддог байсан Шон Коннерийг  энэ кинонд анх тоглуулсан нь киноны ирээдүйн карьерийг тодорхойлсон бөгөөд одоог хүртэл амжилттай үргэлжлэхэд нь нөлөөлсөн гэж мэргэжлийнхэн үздэг юм байна.
Цагаан сахалт царайлаг залуу маань нэг кинон дээр Катерина Зета Жонесийг үсдэж байгаад усруу дардаг хэсгийг харсанаас хойш би түүнийг хувьдаа “Чанга хөгшин” гэж нэрлэдэг болсон юм. Ер нь бол мань хүн хөгширсөн гэлтгүй одоог хүртэл “чанга”  залуугийн дүрийг бүтээсээр л байгаа гэдгийг бол та нар бодвол хараа байлгүй. (зурган дээр Шон Коннер 2008 оны Эдинбургийн кино фестивал дээр)

George Lazenby
Австралийн жүжигчин Жорж Лазенби нь Жэймс Бондын дүрд ганцхан удаа тоглосноороо бусад жүжигчидээсээ онцлог юм. Тэрбээр 1969 онд хийгдсэн найруулагч Петер Хант (Peter R. Hunt) –ын бүтээл болох “On Her Majesty's Secret Service” хэмээх ээлжит ангид тоглосон нь түүний Жэймс Бондод тоглосон эхний бөгөөд эцсийн дүр байсан бол мань хүн кино урлагийн салбарт маш олон өөр өөр дүрийг бүтээжээ. Бүрэн хэмжээний уран сайхны кино гэхээсээ илүүтэйгээр ТВ-ийн олон ангит сериалуудад тоглодог бөгөөд энэ салбартаа тэр олон олон фэнүүдтэй.  Тэрбээр Жэймс Бондын дүрд ганцхан удаа тоглосон шалтгаан нь үзэгчид өмнөх Жэймс Бонд буюу Шон Коннерт хэтэрхий их дассандаа түүнийг хүлээж авч чадаагүй юм. Иймээс түүний дараагийн ангид Шон Коннерийг буцаан тоглуулсан билээ. (зурган дээр Лазенби 2008 онд Манхэттэний Биг айпл Конвенцийн уулзалт дээр)

Roger Moore
Английн жүжигчин, кино продюсер түүнийг хүмүүс хуучны алдартай ТВ сериал The Saint, -аар нь таньдаг. 60-70-аад оны ТВ сериалын оргил бүтээлийн нэгд түүний тоглосон The Saint яах аргагүй ордог юм билээ. Харин мань хүн тухайн сериалаар олны танил болж “од” болсон тул Жэймс Бондын шинэ ангиудад тоглох урилга авчээ.  Ингээд 1973- 1985 он хүртэлх хугацаанд Жэймс Бонд цувралын 7 ангид тоглосон байна. Тэр өөрийнхөө дүрээр хуучны булчинлаг биерхүү залуу, жентльмэн, чадварлаг тулаанч зэргийг хослуулж чадсан юм. Рожерийн тоглосон Жэймс Бондод хүйтэн дайны үеийн өнгө аяс бүхий зүйлс ихээр агуулагддаг байсан нь тухайн үеийн дэлхийн улс төрийн байдалтай холбоотой байсан бизээ. (зурган дээр Рожер өвөө маань 2009 оны байдлаар буюу 82 настайдаа)

Timothy Dalton
Түүхэн кинонуудын алдарт жүжигчин Англи гаралтай энэ эрийг Монголчууд бид Скарлет киногоор нь сайн мэдэх билээ. Тэрбээр 1987,1989 онуудад ердөө хоёрхон удаа Жэймс Бонд цувралд тоглосон боловч түүнд багагүй амжилтыг авчирсан билээ.  30 гаруй уран сайхны кино, 20 гаруй ТВ сериал, 40-өөд тайзны бүтээлийг бүтээсэн тайз дэлгэцийн жинхэнэ од билээ.  Далтон одоо ч завгүй байдаг бөгөөд 2010 онд нээлтээ хийх нэг кинон дээр ажиллаж байгаа юм байна. (зурган дээр Далтон Жэймс Бондын дүрд тоглож байсан үеийнхээрээ хараглаж байна)

Pierce Brosnan
Анх Жэймс Бонд киног үзэж эхлэхэд энэ хүнээр танил болсон болоод ч тэр үү Пийрс Броснан бол миний хамгийн дуртай Жэймс Бонд билээ.  Ирланд гаралтай кино жүжигчин, продюсерийн маань кино урлагийн карьер 1979 оноос эхэлсэн бөгөөд өдгөөг хүртэл 48 кинонд гол болон туслах дүрийг бүтээжээ. Тэрбээр 2010 онд гурван ч киноны захиалгатай байгаа гэсэн шүү. (ТВ5-ийн шар мэдээг дуурайв :P )
Царайлаг,  жинхэнэ Дон Жованни төрхийг бүрнээ илэрхийлдэг өөрийн гэсэн имидж бүхий энэхүү жүжигчин Жэймс Бондын дүрийг шинэ үеийн түвшинд гаргаж ирж чадсан гэхэд болно. Учир нь тухайн үеийн америк киноны залуучуудын дүр нь ихэвчлэн булчин шөрмөслөг, харгис, түрэмгий байсан бол Пийрсийн тоглосон Жеймс Бондоос хойш киноны гол дүрийн залуус сэргэлэн авхаалжтай ухаалаг байдалруугаа шилжсэн гэж мэргэжлийн хүмүүс нь ярьдаг гэнэ шүү. (Зурган дээр Броснан 2005 оны Торонтогийн кино фесвивал дээр)

Daniel Craig
Английн жүжигчин, кино продюсер Даниал Грэйг маань одоогийн байдлаар Жэймс Бонд цувралын 2 ангид тоглоод байгаа билээ.  Өмнөх Жэймс Бондыг (Пийрс Броснан) бодвол илүү догшин ширүүн, булчинлаг, бидний ярьдагаар бол “мужик” тагнуулчийн дүрээрээ тэр олны танил болсон.  1992 оноос кино урлагийн карьераа эхэлсэн тэрбээр одоогийн байдлаар дэлгэцийн 38 кинонд тоглоод байгаа бөгөөд 2010 онд гарах нэг кино, 2011 онд гарах Жэймс Бондын 23-р цувралд тоглохоор тус тус гэрээ байгуулаад байгаа юм байна. Даниэл Грэйгийн тоглосон Жэймс Бондыг та бүхэн надаар хэлүүлэлтгүй өөрсдөө мэдэж байгаа тул постоо ингээд өндөрлөе. (Зурган дээр Даниэл Грэйг кино зураг авалтын үеэр)

Эх сурвалж: Wikipedia, google, Boroo’s brain