GoGo Blog

Movie Club: Соёлын шок буюу “Халтар царайт”

http://movieclub.blog.gogo.mn — Fri, 5 Mar 2010 17:42:53 ULAT

/хэдийгээр бичлэг нь тааруу ч дууг нь сонсоод бичлэгээ уншвал илүү амьд :р/

1996 /барагцаагаар/ онд Монгол телевизийн дэлгэцээр гарч айл бүрийн хойморт хэдэн сар заларсан уг кино хэрвээ би андуураагүй бол монголчуудын үзсэн хамгийн анхны савангийн дуурь юм.

Тэр үеийн хошууралтыг ёстой л хөлтэй нь хөлхөж хөлгүй нь мөлхөж гэдэг үгээр зүйрлүүлж болмоор. Киног амьсгаа даран үзэж байсан хүүхэд, хөгшид тэдний нэр ус, дүр төрхийг одоо ч санаж байдаг байх, “Санадаггүй ээ Санта, Мэддэггүй ээ Мигел Ангел аа” гэсэн үг ч тухайн үед гарч байлаа. Мөн ямар билээ нэг уутыг Кандлериа тор гэж одоо ч нэрлэдэг. Сүүлд Тони, Эстреллита хоёрыг "амьдаар нь" харах гэж хаа холоос залж авчирч байсан. “Халтар царайт”-ын дууг хаа нэгтээ сонсохоор хичнээн танил аялгуу.

Харин одоо дурсамжаа орхиж арай албан ёсны мэдээлэлтэй танилцая:

Cara Sucia (Испаниар) бол маш алдартай, олон орны үзэгчдэд хүрсэн Венесуэлийн цуврал кино юм.

Кино 1992-1993 онд бүтээгдсэн бөгөөд Каракасийн чинээлэг айлын хүү Miguel Angel Gonzalez /Guillermo Dbvila/ болон тарчиг амьдралтай сонин зардаг үзэсгэлэнт бүсгүй Estrellita Montenegro /Sonya Smith Венесуэл – Америкийн жүжигчин/ нарын ээдрээт хайрын түүхийг өгүүлдэг.

Нийт 176 ангитай, нэг анги нь 60 мин үргэлжилнэ.

Зохиолч: Carlos Romerо

Киног Англи, Орос, Монгол мөн Тао хэлнээ хөрвүүлсэн байна.

Мигел Ангел маань одоо ийм залуу болж.

Харин энэ бол "Халтар царайт"

За нөгөө айхтар Санта хүүхэн дүрээрээ байна

Та нар таниж байна уу? :р

Movie club:Хачико: Нохойны түүх (2009)

http://movieclub.blog.gogo.mn — Thu, 4 Mar 2010 09:55:10 ULAT

Хачийг түүний эзэн галт тэрэгний буудал дээр төөрч явахад нь олсон аж. Бяцхан гөлөг эзэндээ үнэнч, бас эрх өсчээ. Эзнийгээ өдөр бүр ажил руу нь дагаж явдаг Хачийг тэр жижиг хотын хүн бүр хайрлаж, мэндэлдэг байлаа

17 цаг. Галт тэрэгний зогсоол дээр Хачи эзнээ хүлээн зогсоно. Түүний эзэн нэгэн Коллежийн профессор бөгөөд Хачи өдөр бүр түүнийг даган явж галт тэрэгний буудал дээр үлдэн хүлээдэг байлаа. Олон хүний хөл холхисон энэ газрын хаалга үргэлж нээгдэж хаагдан, тэр олон дотроос эзнээ хараад түүний нүдэнд баяр баясгалан тодорно. Гэвч тэр нэгэн өдөр эзэн нь гарч ирсэнгүй. Эзэн нь зүрхний шигдээсээр нас барчээ. Орой нь профессорын хүү түүнийг галт тэрэгний буудал дээрээс олж авч гэртээ авчирсан боловч Хачи юу болоод байгааг ч үл ойлгоно. Тэр хаа ч байсан гүйсээр галт тэрэгний буудал дээр 17 цагаас өмнө ирж эзнээ гарч ирэх болов уу хэмээн хүлээдэг байлаа.

Өдөр бүр тэр галт тэрэгний буудал дээр эзнээ хүлээнэ...Хотын иргэд түүнийг өрөвдөн хайрлаж хоол унд өгч байсны ачаар тэр бүхэл бүтэн 9-н жилийг эзнээ хүлээсээр өнгөрчээ. Энэ хооронд түүнийг хүн бүр таних болж, сонины сэтгүүлчид хүртэл ирж зургийг нь аван нийтлэл гаргаж, үүнийг уншсан хүмүүс тэр тусмаа хүүхдүүд түүний нэр дээр хоол авч өгөөрэй хэмээн гуйсан захидлыг галт тэрэгний харуул руу илгээдэг байж.

Хөгширсөн нохой эзнээ хүлээнэ. Түүний нойр нь хүрч нүд нь анилдана. Зүүдэндээ тэр эзнээ галт тэрэгний буудлын хаалганаас гарч ирж байна хэмээн зүүдлэнэ, ойд голын эрэг даган хамт гүйж байна гэж зүүдлэнэ. Олон жил хүлээсэн эзэнтэйгээ аз жаргалтай хамт эрхэлнэ. Энэ зүүд биш байлаа. Диваажинд тавтай морил Хачи.

Миний хувьд энэ киног өчигдөр л үзлээ. Маш их уйлсан. Үнэн бодит түүх дээр үндэслэсэн энэ киноны бодит түүх нь Японд өрнөсөн аж. Хүн нохой 2-ын сэтгэлийн нарийн холбоо, үнэнч зан, хайр зэргийг үнэхээр маш сэтгэл хөдөлгөм илэрхийлсэн байсан. Нохойны нүд нь түүний бүх л уйтгар гуниг, санасан сэтгэлийг илэрхийлж байсан. Хүмүүс заримдаа хичнээн урвамтгай билээ харин нохой үхэн үхтлээ нэг хүнд чин үнэнч байж чадна.

MOVIE CLUB: ″Adam″ МУСКино....

http://movieclub.blog.gogo.mn — Tue, 23 Feb 2010 13:07:55 ULAT

Нэгэн ядруухан байрын хувцас хунар, царай зүс гундуу нилээн "балгадаг" байрын залуу нутаг буцах унаа хүлээн суугаа хөдөөний хүүхэн дээр очиж хажууд нь өвдөглөн суугаад:

-Та морь авахгүй биз....

-Үгүй ээ... таньд тэмээ байгаамуу... гэж хэлнэ.

Энэ кино ийм яриагаар эхэлдэг юм. Өнгөцхөн харахад ямар нэгэн утга санаа байхгүй мэт боловч уг киноны үйл явдалтай холбон бодоход билэг тэмдгийн нарийн утга авцалдаа байх шиг... зах хязгаар нь үл харагдах далай болсон их говьд ганц гэрээр айл болон сууж орь ганцаар олон жилийг элээсэн залуу бүсгүйд нэг л өдөр давхиад явчих омголон хангал морь бус тайван амгалан идээшлэх тэмээ илүү түшигтэй гэсэн санаа байж болох юм.

Оройхон хирд нөгөө залуу маань нилээн халамцуухан алхаж явтал нөгөөх хөдөөний хүүхэн өдөр сууж байсан газраа өнөө янзаараа л сууж байдаг. Түүн дээр залуу дөхөж ирэн хажууд нь цүнхийг нь налан тухлан сууж:

- та яваагүй л байгаам уу....эд чинь хүнээ дүүрэхээс нааш хөдөлдөггүй улсаа...би ер нь танд тэмээ зурж өгөх үү гээд...үнгэгдэж нугарсан цаас халааснаасаа гаргаж ирээд эв хавгүйхэн тэмээ зурж эхэлдэг.

Залуу маань "бүтээлээ" туурвих хоорондоо гашуун ундаагаа өврөөсөө гарган хөнтөрөхөө ч бас үл мартана...ингэсээр залуугын нүд бүрэлзэн зүүд зэрэглээ мэт дайвалзан " тасарсан" байдаг.

Нар дээрээс шарж, халуун элс доороос төөнөхөд гол дүрийн баатар залуу маань арайхын нэг сэрнэ....тэрээр говьд зам дээр хаягдсан байх ба түүний эргэн тойронд элснээс өөр юу ч үгүй.......За үүнээс цааш та бүхэн өөрсдөө үзсэн дээр болов уу. Энэ бол зөвхөн эхлэл хэсэг нь үүнээс цааш олон сонирхолтой адал явдалууд өрнөх болно.

Та бидний сайн мэдэх Жанчивдорж агсны хүү Сэнгэдорж найруулж мөн зохиолыг нь бичжээ. Найруулагч зохиолоо давхар бичих нь зохиолын утга санааг үзэгчдэд анх ямар байсан тэр хэвээр нь хүргэхэд илүү дөхөмтэй байдаг.

Киноны хөгжмийг "Алтан ураг" хамтлаг зохиож тогложээ. Хөгжмийн хувьд киноны үйл явдалтай их сайн наалдаж өгдөг. Гэхдээ хуучин аялгуунуудаасаа оруулаагүй дан шинэ хөгжим зохиосон байсан нь үзэгчдэд шинэ соргог туссан болов уу.

Өөр нэг дурьдалгүй өнгөрж болохооргүй зүйл бол дүр сонголт маш сайн хийсэн байсан явдал юм. Кино угаас үг яриа цөөн тул жүжиглэлт, нүүр хувирал, үйл хөдлөл, ахуй байдлаар аливаа утгыг илэрхийлэх нь олонтаа тул жүжигчдийн чадварыг асар их шаардаж байсан ч гол дүрийн 2 жүжигчин маань үнэхээр энгийн сайхан тоглож чадсан.

Басхүү бидэнд байгаль эхийнхээ сайхан бүхнээс бид хэрхэн зугтаж чимээ шуугиант хотын амьралд юунд нь тэгтлээ дурлах болсоныг асуун чимээгүйхэн "чимхээд" авах шиг болсон.

Борооны дараах мөөг шиг олон ашгийн төлөө кино хийгдэх болсон өнөө үед жинхэнэ Монгол ахуй үнэртсэн, хэн ч харсан үзсэн Монгол кино гэж хэлэхээр бүтээл хийж чадсан залуу уран бүтээлч нартаа талархах сэтгэл өөрийн эрхгүй нээлтийн өдөр энэхүү киног үзэж байхад төрж байсан.

Киног ойлгож, ухаж үздэг хэн боловч заавал үзэх ёстой Монгол дэлгэцийн бүтээлүүдийн нэг бол яахын аргагүй энэхүү "Adam" хэмээх кино билээ.

Movie Club: Хайр, дурлал, тэмүүлэл, итгэл, тэмцэл

http://movieclub.blog.gogo.mn — Thu, 11 Feb 2010 13:51:17 ULAT

The Notebook (2004)

“Тэмдэглэлийн дэвтэр” кинонд нэгэн жижиг хотод өрнөх залуу хосын маш романтик сэтгэл хөдлөм хайрын түүхийг өгүүлнэ. Охины эцэг эх тэдний үерхэлийг үл зөвшөөрөх ба залуус өөрсдийн харилцааг хадгалж үлдэхийн төлөө тэмцсээр байх болно. Улс оронд нь дайн дэгдэж Ноа дайнд дуудагдан явахад Элли түүнийг дахин хэзээ харахгүй ч байж магадгүй хэцүү үетэй тулгаран хоцорно. Ноаг явсанаас хойш түүнээс ямар ч чимээ сураг гарахаа байхад тэр өөр нэгэн залуутай гэрлэхээр болдог. Энэ үеэс л уг хайрын түүх дахин өрнөнө. Гол дүрд Ryan Gosling ба Rachel McAdams тоглосон бөгөөд энэ бол амьдралаа хамтдаа өнгөрүүлэх учиртай 2 хүний талаар маш сайн дүрсэлж чадсан кино юм. Энэ түүх эхлэлээсээ төгсгөл хүртлээ маш хүчтэй бөгөөд киноны хоёр хэсэгт та уг залуу хосын тэмүүлэл, тэмцэлийг хамтдаа зүрхээрээ мэдрэх болно.

Titanic (1997)

Хүн төрөлхтөний түүхэнд хамгийн тод ул мөрөө үлдээн живсэн хөлөг онгоцны сүйрэлийг өгүүлэх бүх цаг үеийн хамгийн өндөр орлоготой киноны талаар бид ярьж байна. Киноны үйл явдлын талаар өгүүлэх нь илүүц биз. Тухайн ондоо Академийн хамгийн гол номинац болох шилдэг кино, шилдэг найруулагч шагналыг хүртсэнээс гадна өөр 9 төрөлд тэргүүлсэн. Leonardo DiCaprio, Kate Winslet нар энэ кинонд тоглосоноороо дэлхийн од болж улам тод гялалзсан юм. Найруулагч Жэймс Камерон “Бид ийм их амжилт олно гэж төсөөлөө ч үгүй. Кино үнэмшмээргүй амжилт олоход бүгд л шоконд орж билээ. Бүх дэлхий энэ киног хүлээж авсан” гэж ярьсан байдаг.

Ghost (1990)

“Сүнс” бусад киногоо бодвол арай өөр төрлийн хайрын түүхийг өгүүлдэг. Гол дүрийн залуу нас барсанаар киноны өрнөл эхлэнэ. Дитто бусдыг мэхлэн ашиг олдог үзмэрчтэй таарч түүгээр дамжуулан өөрийн үхлийн шалтгааныг илрүүлж, хайрт бүсгүйтэйгээ уулзах болно. Swayze болон Demi Moore нарын сайн тоглолт, Вүпи Голдбэргийн хошин хэв маяг, сүнсний ертөнцөөс илэрхийлж буй мэдрэмж нь уг кинонд амжилт авчирчээ.

Үүнээс гадна дараах кинонууд хамгийн романтик киноны жагсаалтад бичигдсэн байдаг.

50 First Dates (2004) Adam Sandler, Drew Barrymore
Eternal Sunshine of the Spotless Mind (2004) Jim Carrey, Kate Winslett
Moulin Rouge (2001) Nicole Kidman and Ewan McGregor /лаг гоё постертой/
City of Angels (1998) Nicholas Cage, Andre Braugher, Meg Ryan
What Dreams May Come (1998) Robin Williams, Annabella Sciorra
Before sunrise/Before sunset (1995/2004) Ethan Hawke, Julie Delpy

Америкийн кино институт 2002 онд Бүх цаг үеийн хамгийн сайхан хайрын түүхийн талаарх 100 киног шалгаруулсан бөгөөд Энэ жагсаалтын эхэнд “Casablanca” /1942/ бичигдсэн юм.

Үүний араас:
2. "Gone with the Wind" - 1939
3. "West Side Story" - 1961
4. "Roman Holiday" - 1953
5. "An Affair to Remember" - 1957
6. "The Way We Were" - 1973
7. "Doctor Zhivago" - 1965
8. "It's a Wonderful Life" - 1946
9. "Love Story" - 1970
10. "City Lights" - 1931
Мэдээж энд дурдагдсан кинонууд хэсэг бүлэг хүмүүсийн мэдрэмж, үнэлэмж.

Харин одоо таны өөрийн “Бүх цаг үеийн романтик кино”-г сонирхвол?

Өө бичнэ гэж байсанаа мартсан байна.

Баярын мэнд хүргэе залуусаа!

"Сайхан хайр байдаг юм шүү. Олдвол алдаж болохгүй" Ч.Лодойдамба

Movie Club: Zabriskie Point

http://movieclub.blog.gogo.mn — Wed, 3 Feb 2010 13:30:04 ULAT

Эрх чөлөө гэдийг хүн төрөлхтөн цаг үе бүрд өөр өөрөөр ойлгож ирсэн. 1960-1970-аад оны үеийн залуусын хувьд эрх чөлөөг, тэр дундаа туйлын эрх чөлөөг юугаар төсөөлж байсныг энэ киноноос тодорхой харж болно. Нийгэм хүнийг тал талаар хавчиж өөрийнхөөрөө байх боломжийг нь боож байдаг.

Дүрэм журмыг хэн нэг нь чиний өмнөөс тогтоон, чиний өмнөөс шийдвэр гаргаж, чамд юу хийж болох болохгүйг зааж, тэрийг тэгэх ёстой энийг ингэх ёстой гэсэн догматик үзэл сурталд залуус дургүйцлээ илэрхийлж тэр нь залуучуулын давалгаа болон хүчээ авч эсрэг соёл, хиппичүүд гэх нийгмийн үзэгдлүүдийг бий болгосон. Хотжилт, америкийн тэр шинэ соёл, хүмүүс нэг дороо хамтарч амьдрах болсноор тодорхой хэм хэмжээ, тогтсон дүрэм журамд баригдах болж энэ нь эргээд эсэргүүцэл тэмцэл болж гарч ирсэн, Вьетнамын дайн мэдээж үүнд голлох нөлөөг үзүүлсэн л дээ. 60-аад оны сүүлч үеийн америкийн нийгэмд (ганц америкт ч биш англиас авхуулаад барууны олон оронд) гарсан томоохон үзэгдэл болох counterculture буюу нийгмийн тогтсон хэм хэмжээг эсэргүүцсэн залуусын хөдөлгөөн нь урлагт нөлөөлөөд зогсохгүй тэдний амьдралын хэв маяг болж байсан. Тэдэнд юу зөв, юу буруу болохыг зааж зааварлаж байдаг эцэг эх, багш нар, шашны зүтгэлтнүүдийн ам ажил зөрдөг байдал нь тэднийг бүх л зүйлд эргэлзэж, сайхан санагдаж байгаа бүхнээ хий гэсэн зан суртахууны зарчмыг баримталахад хүргэсэн. Тэд сайн муу гэх үнэлэмжийг дахин тодорхойлохоор оролдож хязгааргүй хайрлал, чөлөөт хайр гэх зүйлс гаргаж ирсэн хийгээд энэ нь хэмжээ, хязгааргүй секс, хүн бүрийг, тэр байтугай модыг хүртэл хайрлан тэврэх хүртлээ дэвэрсэн байлаа. Энэ бүх зүйлсийн талаар уг кинонд үзүүлдэг.

Хүний эрхийн талаар бас өөр олон зүйлсийн талаар эсэргүүцлийн хөдөлгөөний хэсэг залуус хэлэлцэнэ. Онцгой зүйл, онцгой газрыг хайж яваа Daria, радикал үзэлтэй, хүн амьны хэрэгт гүтгэгдээд бас дээрээс нь онгоц хулгайлчихаад явж буй Mark хоёрын адал явдал. Цөлд Daria радиотортоо ус хийхээр зогсож байтал нэг онгоц түүний толгой дээгүүр метр ч хүрэхгүй зайтай гарч энэ байдал хэд хэдэн удаа давтагдсаны эцэст онгоцтой залуу холгүйхэн газардаж Daria түүн дээр очиж тэд танилцаж цаашаа Daria-гийн машинаар хамтдаа явдаг. Daria, Mark хоёр цөлд танилцсан хосууд, гэхдээ хайр гэхээсэ илүү үзэл бодол нийлсэн болохооро л хамтдаа Үхлийн хөндий дэх Zabriskie point -д ирж тэр элсээр бүтсэн гайхамшгийг хараад энэ зүгээр л элс яаж ингэж сайхан харагдаж байнаа гэж байгалийн сайхныг гайхан биширч зогсоно. Цөлийн хэсгийн тэр зэрлэг амьтад шиг аяглаж сексдэж байгаа нь хүн нэг талаар нийгмийн амьтан гэгддэг ч түүний цаана адгуусан хүсэл зөн нь нуугдаж байдгийг мөн дээрээс нь free-love буюу секс хувьсгалыг, секс гэдэг хуулиар ч юмуу гэрлэлтээр хязгаарлагдахааргүй хувь хүний сонголтуудын нэг байх ёстой гэсэн өнөөгийн нийгэмд хүртэл нөлөөлсөөр байгаа үзэл санааг гаргасан. Мөн тэр баян хөгшин гэр бүлийн хоёр ирээд байгалийн тэр сайхныг харчихаад зүгээр л хөөх гэж дуу алдчихаад явж байгаа нь хүмүүсийн сэтгэлгээний ялгаатай байдал, хэт материаллаг зүйлд шунасан америкийн нийгмийн үзэл баримтлалыг шүүмжилсэн гэлтэй. Марк хулгайлсан онгоцоо эргүүлж өгөхөөр явах гэхэд бүсгүй түүнийг хориглосон ч тэр буцаж очоод бүгдийг хэвэнд нь оруулж дөнгөнө гэж найдаад очих боловч дөнгөж газардангуут нь л цагдаа нар түүнийг хороож орхино. Харин Daria-гийн хувьд түүний үхлийн талаар радиогоор олж сонсох бөгөөд түүний үхэлд нийгмийн шударга бус байдал буруутай гэдэгт огтхон ч эргэлзэхгүй байлаа. Үүний дараа бүсгүй баян боссынхоо цөл дэх тансаг харшид очих бөгөөд цөлд ямар нэг цогцолбор барихаар төлөвлөж буйг нь сонсоод улам ч дургүй нь хүрч тэндээс бушуухан арилахыг хүсэх бөгөөд, харин дотроо бол тэр тансаг харшийг юу ч үгүй болтлоо дэлбэрч буйгаар төсөөлөн инээмсэглэсээр машиндаа суугаад цааш оддог.

Маrк-ын эмгэнэлтэй үхэл, Daria-гийн төсөөлөл дэх тэр дэлбэрэлт нь хүн туйлын эрх чөлөөг зөвхөн оюун санаандаа л эдэлж болно гэсэн санааг агуулж байна. Харин төсөөллөөсөө хэтэрч амьдрал дээр биелүүлэхээр оролдвол таагүй зүйлд ч хөтөлж магадгүй. Дээрээс нь нийгмийн шударга бус байдал, бохирдол хэрээс хэтэрсэн гэдгийг мэдэрсэн Mark-н өөрийгөө буруугүй гэдгийг нотлох гэж хичээхгүй байгаа байдал. Америкийн нийгэм дэх бослого эсэргүүцлийн сюрреалист маягийн шинжилгээ, тогтсон үзэл бодолд залуусын үл итгэх байдал зэрэг нь киноны чухал зангилаануудын нэг гэж хэлж болно. Антониони эл бүтээлээрээ нийгмийн зөрчилдөөн хэрхэн уур хилэн рүү хөтөлдгийг энэ нь цаашлаад хүчирхийлэл рүү хөтөлдгийг илрүүлэн тавьсан бөгөөд баримтат киноны маягийн сцен, уламжлалт бус зураг авалтын өнцөг зэрэг нь нэлээд өвөрмөц шийдэлтэй болж өгсөн.

Микеланжело Антонионийгийн өөрөө зохиолыг нь бичиж найруулсан, түүний англи хэл дээр хийсэн анхны кино болох Blow-Up нь саяхан телевизээр гарч байсныг та бүхэн санаж байгаа байх. Mark-н дүрд Mark Frechette, Daria-н дүрд Daria Halprin нар тоглосон бөгөөд тэдний хувьд өмнө нь ямар нэг кинонд тоглож байгаагүй бөгөөд Маркын хувьд амьдрал дээр ч кинон дээрх шигээ шулуун зан чанартай нэгэн байсан бөгөөд найруулагч түүнийг эгээ л кинон дээрх шигээ олны дунд хашгираад явж байхад нь олж авсан бөгөөд мөн л хувь тавилан нь кинон дээрх шиг харамсалтай төгссөн юм тэрээр шоронд байхдаа учир битүүлгээр нас барсан гэдэг.

Киноны дуунуудын хувьд Pink Floyd, Jerry Garcia (The Grateful dead-н гоцлол дуучин байсн), Kaliedoscope зэрэг англи,америкийн домогт хамтлагуудын гайхамшигт бүтээлүүдийг ашигласан нь найруулагчийн санааг улам тодотгож өгсөн. Ялангуяа Daria-гийн төсөөлөл дэх тэр дэлбэрэлтийн хэсэгт явдаг Come In Number 51, Your Time Is Up бол гайхалтай. Кинотой ижил нэртэй цомогт дээрх хамтлаг, уран бүтээлчдийн дуунуудаас гадна нэлээд олон хамтлаг дуучдын уран бүтээл багтсан бөгөөд магадгүй зарим талаар уг кино нь эдгээр хамтлагуудын уран бүтээлийг ашигласан гэдгээрээ олонд танигдсан тал ч бий. Бас Жим Моррисон уг кинонд дуу бичсэн боловч Антониони татгалзсан байна. Харин Pink Floyd-н хувьд кинонд зориулж бичсэн дуунууд нь тэдний The Dark Side of the Moon цомгийнх нь эхлэл болсон гэж үздэг.

Movie Club: Оскарын шагналын тухай

http://movieclub.blog.gogo.mn — Tue, 19 Jan 2010 17:15:35 ULAT

Академийн шагнал буюу Оскарын шагнал нь Америкийн кино академиас жил бүр зохион байгуулдаг, кино үйлдвэрлэлийн салбарын хүмүүсийн гаргасан амжилтыг үнэлэх зорилготой шагнал юм. Шагналыг хүртээдэг албан ёсны арга хэмжээ нь дэлхийн хамгийн нэр хүндтэйд тооцогддог. Америкийн кино академийг өөрийг нь анх Метро-Голдвин-Мэйр студийн дарга Луис Б. Мэйр сэджээ.

1927 ба 1928 оны кино урлагт гаргасан амжилт бүтээлийг үнэлэх Анхдугаар Оскарын шагнал гардуулах ёслол нь 1929 оны 5 сарын 16-нд Холливудын Рузвельт зочид буудалд зохиогджээ. Энэхүү арга хэмжээний хөтлөгчөөр жүжигчин Дуглас Фэйрбанкс, кино найруулагч Уильям деМилл ажиллаж байв. 2008 оны амжилтыг үнэлэх 81-р Оскарын шагнал гаруудах ёслол нь Холливудын Кодак театрт болсон ба жүжигчин Хью Жакман хөтөлжээ.

77-р Оскарын шагнал гардуулах ёслолд Монголоос анх удаа Даваагийн Бямбасүрэнгийн найруулсан "Ингэн нулимс" кино шилдэг баримтат кинонд нэр дэвшиж байв.

Гол шагналууд

Шагнал	Англи нэр	Анх гардуулсан
Шилдэг голлох дүрийг бүтээсэн эрэгтэй жүжигчин	Best Actor in a Leading Role	1927
Шилдэг туслах дүрийг бүтээсэн эрэгтэй жүжигчин	Best Actor in a Supporting Role	1936
Шилдэг голлох дүрийг бүтээсэн эмэгтэй жүжигчин	Best Actress in a Leading Role	1927
Шилдэг туслах дүрийг бүтээсэн эмэгтэй жүжигчин	Best Actress in a Supporting Role	1936
Шилдэг урт хэмжээний хүүхэлдэйн кино	Best Animated Feature	2001
Шилдэг богино хэмжээний хүүхэлдэйн кино	Best Animated Short Film	1931
Шилдэг урлаг найруулал	Best Art Direction	1927
Шилдэг зураг авалт	Best Cinematography	1927
Шилдэг хувцас загвар	Best Costume Design	1948
Шилдэг кино найруулагч	Best Director	1927
Шилдэг урт хэмжээний баримтат кино	Best Documentary Feature	1943
Шилдэг богино хэмжээний баримтат кино	Best Documentary Short Subject	1941
Шилдэг кино редактор	Best Film Editing	1935
Шилдэг гадаад кино	Best Foreign Language Film	1947
Шилдэг богино хэмжээний кино	Best Live Action Short Film	1931
Шилдэг нүүр будалт	Best Makeup	1981
Шилдэг кино ая	Best Original Score	1934
Шилдэг дуу	Best Original Song	1934
Шилдэг кино	Best Picture	1927
Шилдэг дууны редактор	Best Sound Editing	1963
Шилдэг дууны эвлүүлэг	Best Sound Mixing	1930
Шилдэг эффект	Best Visual Effects	1939
Шилдэг кино зохиолч - зохицуулсан зохиол	Best Writing - Adapted Screenplay	1927
Шилдэг кино зохиолч - шинэ зохиол	Best Writing - Original Screenplay	1940

Тусгай шагналууд

Шагнал	Англи нэр	Анх гардуулсан
Академийн хүндэт шагнал	Academy Honorary Award	1927
Академийн шинжлэх ухаан, техникийн шагнал	Academy Scientific and Technical Award	1931
Академийн тусгай ололт амжилтийн шагнал	Academy Special Achievement Award	1972 - 1995
Гордон Э. Сооерийн нэрэмжит шагнал	Gordon E. Sawyer Award	1981
Жин Хэршолтийн нэрэмжит хүмүүнлэгийн шагнал	Jean Hersholt Humanitarian Award	1956
Ирвинг Г. Талбергийн нэрэмжит шагнал	Irving G. Thalberg Memorial Award	1938

Эх сурвалж:

Oscars.org
Oscar.com
Wikipedia

Movie Club: The Tiger and Snow

http://movieclub.blog.gogo.mn — Sat, 16 Jan 2010 16:14:57 ULAT

The Tiger and Snow

<< ХАЙР >>

http://share.gogo.mn/pJeDD6Xw888481263587138/The Tiger and Snow.part1.rar

http://share.gogo.mn/18lrou8JGP80601263587914/The Tiger and Snow.part2.rar

http://share.gogo.mn/beHADq0JOw70911263588622/The Tiger and Snow.part3.rar

http://share.gogo.mn/6bsKvtq3p33911263669910/The Tiger and Snow.part4.rar

http://share.gogo.mn/Cbgt7a8jri75911263670222/The Tiger and Snow.part5.rar

http://share.gogo.mn/Yqp3VAdxMV64081263670190/The Tiger and Snow.part6.rar

http://share.gogo.mn/U7QvR9KImT2801263669916/The Tiger and Snow.part7.rar

Movie Club: Японы анимэшн киноны загалмайлсан эцэг Hayao Miyazaki

http://movieclub.blog.gogo.mn — Wed, 13 Jan 2010 11:16:28 ULAT

Movie Club: Японы анимэшн киноны загалмайлсан эцэг Hayao Miyazaki

Хэрвээ 1990-ээд оны үеийн Японы анимэшн буюу зурмал, хөдөлгөөнт киноны гол төлөөлөгчийг нэрлэх болвол Америкийн Walt Disney-тэй зүйрлүүлж болохуйц нэр хүнд бүхий хүн болох Хаяао Мияазаки/Hayao Miyazaki/-г нэрлэхээс өө аргагүй юм. Түүний бүтээсэн, олонд танигдаж, амжилтанд хүрсэн анимэшн кинонуудыг дурдвал: Салхит хөндий/Valley of the Wind/, Тэнгэрийн цайз/Castle in the Sky/, Кикигийн хүргэлтийн үйлчилгээ/Kiki’s Delivery Service/, Зөвхөн л өчигдөр/Only Yesterday/, Порко Россо/Porco Rosso/, Мононоке гүнж/Princess Mononoke/, Далайн давалгаа/Ocean Waves/, Төөрсөн нь/Spirited Away/, Хоулын явдаг цайз/Howl’s moving Castle/ зэрэг юм. Анимэшныг зөвхөн хүүхдүүдэд л хамаатуулж ойлгодог, хүүхдүүд л үздэг гэж боддог тэр үед Мияазакигийн бүтээлүүд харин бүх нийтэд хүлээн зөвшөөрөгддөг байсан юм. Учир нь түүний бүтээлүүд нь байгаль дэлхийтэй холбогдох хүний харилцаа холбоо, эрх чөлөө, эрэл хайгуул гээд Японы соёлыг тусгасан маш гүн гүнзгий сэдвүүдийг хамарсан байдаг билээ. Өөрийн эрхгүй нэгийг бодогдуулж, нөгөөг өгүүлдэг анимешн бүтээлүүд зөвхөн түүнийх л байдаг.

Өсч том болсон нь

Хаяао Мияазаки 1941 оны 1-р сарын 5-нд Токио хотод төрсөн юм. Дэлхийн хоёрдугаар дайны туршид түүний аав нь авга ахынх нь эзэмшдэг Мияазаки агаарын тээврийн компаний захирлаар ажиллаж байжээ. Энэ үед Хаяао Мияазаки түүний бүтээлүүдэд зонхилон тусгагдах болсон нисэх хүчний гоо сайхан, сэтгэл татам тэр зүйлийг ойлгож, мэдэрч, оюун ухаандаа гүн гүнзгий тусгаж авсан юм. Мияазаки Уцуномияа хот дах сургуулиийн 3-р ангид суралцаж байх үедээ байгальтай маш ойр байх боломжтой байжээ. Хүн төрөлхтний байгаль эхтэйгээ холбогдох амин харилцааны сэдэв түүний сүүлийн үеийн уран бүтээлд дахин тусгагдах болсон. 1947-с 1955 оны хооронд Хаяаогийн ээж Нуруу нугасны сүрьеэгийн халдварын улмаас хэвтрийн байдалтайгаар өвдсөн байна. Түүний бүтээл болох Миний хөрш Тоторо/My neighbour Totoro/(1988) анимэшн кино бол түүний тэр үед туулсан сэтгэлийн зовлон, зүдгүүрийн тусгал болсон бүтээл юм аа. Үнэндээ ч өөрийн амьдрал, мэдрэмжийн нэг хэсгийг бүтээлдээ тусгадаг нь түүний онцлог ажээ. 1958 онд ахлах сургуулийн гуравдугаар ангид байхдаа тэрээр Hakujaden хэмээх Японы хамгийн анхны урт хугацаат, өнгөт анимэшн киног үзсэн юм. Энэ цаг мөчөөс эхлэн тэрээр анимэшнд дурлах болж, зурмал зурагт цуврал номны зураач болохоор шийджээ. Ахлах сургуулиа төгссөний дараа Gakushuin их сургуульд элссэн бөгөөд их сургуулийн “Хүүхдийн утга зохиол судлалын клуб”-ын идэвхтэй гишүүн болжээ.

1963 онд Хаяао их сургуулиа “Улс төр болон эдийн засгийн шинжлэх ухаан”-ы чиглэлээр төгссөн. Тэр ондоо Toei Animation компанид ажилд орсоноор түүний Анимэйтор болох зам эхлэжээ.

Мияазакигийн Анимэшн

Мияазакигийн кино маш олон үзэгчтэй байдгийн учир нь тэр кинондоо байгаль дэлхий, эрх чөлөө, боловсрол болон эрэл хайгуул гэх мэт маш гүн гүнзгий сэдвүүдийн тусгалыг тусгаж өгдөгт байдаг.

Байгаль дэлхий

Японы ард түмэн байгаль амьтай гэсэн маш их сүсэг бишрэлтэй бөгөөд бүхий л зүйлс амьтай, сүнстэй гэдэгт итгэдэг. Энэхүү үзлийн нөлөөгөөр Мияазакигийн анимэшн кинонууд хүн ба байгалийн хоорондох харилцааг өргөнөөр харуулдаг юм. Салхит хөндий/Valley of the Wind/ дээрх өмхийрсөн тэнгис болон хүний зөрчилдөөнөөс эхлэн Мононоке гүнж/Princess Mononoke/ дээрх хүний гараар бүтсэн төмрийн үйлдвэр болон амьтдын бурхдын хоорондох дайн хүртэл, түүнчлэн Тэнгэрийн цайз//-н Мускагийн дээрмийн эд зүйлс гээд л өөрийн бүтээлүүд дээрээ Мияазаки хүн байгалийн хоорондох эвлэршгүй тэмцлийг харуулсан.

Боловсрол

Мияазаки хүүхдийн биеэ даасан байдлын тухай маш хүчтэй бодол санааг илэрхийлдэг бөгөөд үүгээрээ хүүхдүүдэд “Чи эцэг эхийнхээ бод гэснийг л бодож, хий гэснийг л хийдэг хүүхэлдэй биш, харин ч чи эцэг эхээсээ өөр, бие даасан хувь хүн” гэж хэлэхийг хүсдэг. Төөрсөн нь/Spirited Away/ бол яг энэ тухай өгүүлсэн, хүүхдийн өсч томорч, бие даах тухай өгүүлдэг анимэшн кино юм. Мияазаки киноны гол дүр болох 10 настай дүнсгэр охин болох Чихирог бий болгохын тулд хамаг бүхнээ дайчилжээ. Чихиро үл мэдэгдэх, хачирхалтай, заримдаа бүр үл тэвчмээр өөр нэгэн ертөнцөд аялаж байхдаа өсч том болдог. Ямар ч тусламж үгүй, хэцүү нөхцөл байдалд тэр өөрийн хүч чадал, оршин байгаагийнхаа үнэн үнэ цэнийг олж нээж чаддаг.

Киноны тухай товч дурдахад Чихиро эцэг эхийнхээ хамт шинэ хот руу нүүх замдаа төөрч орхидог бөгөөд нэгэн нууцлаг замаар явсаар, эцэг эхийн хамт харанхуй агуйн өмнө тулж ирдэг. Энэ үед түүний эцэг гэр бүлийнхнээ дагуулан уг агуйг туулсны эцэст нэгэн нэгэн хачирхалтай тосгонд ирэх бөгөөд тэнд хэн ч байхгүй атлаа маш их хоол хүнс байдаг. Чихирогийн аав ээж уг хоолноос идэж эхлэснээр түүний хачирхалтай адал явдал эхлэдэг бөгөөд Хаку хэмээх нэгэн жаал хүүгийн тусламжтайгаар Чихиро гахай болон хувирсан эцэг эхийгээ шулам Юбаба/Yubaba/-аас хэрхэн авардаг тухай гардаг. Уг анимэшн кино маш олон номинаци, шагналуудыг авсан бөгөөд Оскарын түүхэн дэх хоёр дах Оскар хүртсэн Шилдэг анимэшн ашигласан бүтээл болсон. Мөн хамгийн анхны Кино урлагийн академийн шагнал хүртсэн, хамгийн анхны бөгөөд цор ганц англиар ярьдаггүй АНИМЭШН кино болсон юм.

Эрэл хайгуул

Мияазакигийн кинонууд үзэгчдэд үргэлж л “Ямар ч зүйлийг хурдан бүү март, Хэт хурдан бүү хөдлө, Би Хэн бэ? гэж өөрөөсөө асуухын тулд заримдаа зогсож бай” гэдгийг сануулж байдаг. Энэ нь Мияазакигийн өөрийн кинонуудаар дамжуулан харуулахаар оролдож буй философийн асуудал юм.

Энэ нь Тэнгэрийн цайз/Castle in the Sky/ дээрх тэнгэрт байдаг Лапута хэмээх хот, Хоулын явдаг цайз/Howl’s moving Castle/-н урт удаан хугацааны, агуу адал явдлын дараа өөрийн залуу насыг эргүүлэн авч буй Софиа зэрэгт биеллээ олжээ. Мэдээж хэрэг Төөрсөн нь/Spirited Away/ анимэшн кинонд энэхүү асуудал гүн гүнзгий тусгагдсан юм.

Чихиро сүнсний ертөнцөд төөрч орсоноор Юбаба шулмын захирдаг Халуун усны газарт боолын мэт ажиллах хэрэгтэй болдог. Юбаба түүнд “Сен” хэмээх Чихиро гэсэн үгнээс гаралтай нэрийг өгдөг. Маш хэцүү зовлон амссаны сүүлд Чихиро өөрийн нэрийг эргүүлэн авдаг. Урьд нь Кохаку голын эзэн байсан Хаку голыг устгаж үгүй хийснээс болж Юбаба шулмын боол болдог. Эцэст нь шулмын хараалаас болж түүний мартсан жинхэнэ нэр болон өнгөрсөн амьдралаа эргэнэ санахад нь түүнд Чихиро тусладаг.

Материаллаг ертөнцөд хэн нэгэн өөрийн мөн чанараа гээхэд маш хялбар байдаг. Гэвч хэрвээ хүн яг л хүүхдийнх мэт цэвэр ариун сэтгэл зүрхтэй байж чадвал өөрийн ариун мөн чанараа хэзээ ч алдахгүй гэдгийг өгүүлдэг юм.

Эрх чөлөө

Эрх чөлөө бол орчин үеийн соёлын голлох тулгуур ойлголт болсоон. Мияазакигийн нисэх хүсэл, нисэхэд дурлах нь түүний кинонд эрх чөлөөний билэгдэл болж илэрхийлэгддэг байна. Эрх чөлөө бол байнга л хүн бүхний мөрөөдөл, үүрдийн зорилго, эрмэлзлэл байдаг. Гэвч бид маш олон төрлийн гачигдал, хязгаарлалт, эсвэл бүр өөрийгөө ойлгоогүйгээсээ болж хүссэн зүйлээ хийж чаддаггүй. Харин Мияазакигийн кинон дах нисч буй үеийн чөлөөт мэдрэмж, үзэсгэлэнт байдал зэрэг нь бидний эрх чөлөөг мэдрэх хүсэл, хэрэгцээг өөрт мэдэгдэмгүйгээр хангаж, уран нарийнаар урхиддаг.

Нэгэн үеийн төлөөлөл болсон Анимэйтор

Түүний анхны бүтээл болох Салхит хөндий/Valley of the Wind/(1984)-өөс эхлэн 2004 онд бүтээгдсэн Хоулын явдаг цайз/Howl’s moving Castle/ хүртэлх энэ хугацаанд Хаяао Мияазакигийн хийсэн бүтээлүүд Японы анимэшн киноны түүхийн нэгэн шинэ үеийг нээжээ. 1980 онд Мияазаки анимэшнтэй хамааралгүй байсан нинжин сэтгэл, нигүүлсэлийг өөрийн бүтээлдээ тусгаж чадсанаар Анимэшны агуу мастер хэмээх цолыг эргэлзээгүйгээр хүртэж чадсан юм. Түүнчлэн түүний бүтээлүүд Японы бокс оффисын амжилтыг хэд хэдэн удаа тогтоож байжээ. Хаяао Мияазакигийн анимэшн бүтээлүүд Уолт Дисней Пикчерс гэдэгтэй адил брэнд нэр болсон бөгөөд тэр өөрөө Японы анимэшн киноны түүхийн нэгэн үеийн нэрийн хуудас болсон байна.

Нийтлэлийн төгсөлд Хаяао Мияазакигийн сүүлийн үеийн уран бүтээл болох Ponyo on the Cliff бүтээлийг татаж авахаар оруулъя. Энэхүү бүтээлд Хаяаогийн бүтээлүүдэд тусгагддаг гол санаануудыг бүгдийг багтааснаас гадна хүний мөн чанарын тухай өвөрмөц байдлаар дүрсэлдэг. Миний зүгээс энэхүү бүтээлийг үзэхийг онцгойлон санал болгож байна :).

http://www.mediafire.com/?zdnwimzmwml
http://www.mediafire.com/?rvlgzorjkmm
http://www.mediafire.com/?2ndy1n2j1nt
http://www.mediafire.com/?zclonqyimzw
http://www.mediafire.com/?bmzmmn0yjju
http://www.mediafire.com/?zmnxkomuao5
http://www.mediafire.com/?5yunzyji2mm

Subtitle:

share.gogo

Movie Club: 2010 оны эхний гашраалт ″АВАТАР″

http://movieclub.blog.gogo.mn — Fri, 8 Jan 2010 10:52:47 ULAT

“Титаник” “Терминатор" “Терминатор-2” “Харийнхан” “Соларис” зэрэг шилдэг бүтээлүүдийн найруулагч Жеймс Камеруний "АВАТАР" маргааш Өргөө кино театрт нээлтээ хийнэ.

Энэ кино гарсан эхний долоо хоногт нийт 73 сая долларын орлогыг олж, интернэт сайтуудын судалгаа, кино шүүмжлэгчид болон үзэгчидээс “А”үнэлгээ авсан бөгөөд 2009 онд гарсан бүтээлүүдээс хамгийн өндөр саналыг аваад байна.

Нэр: "АВАТАР"
Үргэлжлэх хугацаа: 2 цаг 50 минут
Төрөл: Адал явдалт
Гол дүрд: Сем Вортингтон /Sam Worthington/

Маргааш 19.00 цагаас хамтдаа "АВАТАР" гашраах хүмүүс гараа өргөөд өргөөд явчихна биз

Жич: Өмнө нь саналаа өгсөн хүмүүсийг би мартаагүй байгаа. Түүнчлэн өнөөдөр орой 16.00 цаг хүртэл гар өргөлтийг тоолно. Учир нь маргааш болвол аятайхан суудлууд нь дуусчихна. Харинээ, магадгүй, яадийм билээ гэх мэт үгсийг хүлээж авахгүй. OK

За биднийг киногоо үзсэн үү гэж энд тэндээс чих тавьж бга хүмүүст дуулгая.

Бидний 23 блоггер /уг нь 25 бсийн/ хэлцсэн ёсоор АВАТАР-ыг өчигдөр буюу 1.7нд 19.00 цагаас үзлээ. Кино 2.50 үргэлжилсэн ч цаг хугацааг үл анзааран тэр нэгэн өвөрмөц ертөнцөөр аялж АВАТАР бидэнд үнэхээр таалагдсан гэдгийг хэлэх хэрэгтэй. Үзээгүй хүмүүст заавал тэр тусмаа кино театрт үзэх хэрэгтэй кино байсан гэж зөвлөе.

Ярьсан хэлнээрээ гашраалтдаа ирж бултаараа кинодсон 23таа баярлалаа.

Дашрамд дурдахад энэ гашраалт MOVIE CLUB-аас зохион байгуулсан сүүлийн гашраалт боллоо. Цаашид бусад маань ийм үзвэр зохион байгуулвал мэдээж сайхан л байна.

Movie Club: Өднүүд...буюу муу үг гэж үгүй харин үйл гэж бий

http://movieclub.blog.gogo.mn — Tue, 5 Jan 2010 12:57:05 ULAT

Найруулагч Филлип Кауфманы 2000 оны бүтээл “Өднүүд” хэмээх бүтээлд Францын хувьсгальч, зохиолч Маркиз дэ Садын тухай өгүүлнэ. Киноны үйл явдал 18 р зуунд Напелеоны үеийн Франц оронд сэтгэл мэдрэлийн эмнэлэгт өрнөнө. Чарантоны онц хүнд сэтгэцийн эмгэгтэнгүүдийн эмнэлэгт язгууртан гаралт маркиз дэ садийг цаг үеийн бурангуй байдалаас үүдэн хорьсноор эхэлдэг. Сад үнэхээрч цаг үе нь хүлээж авхааргүй эротик тэр дундаа гаж гэмээр зохиолууд бичдэг байснаас нийгэмд буруу үлгэр дуурайл болно гэж үзэж түүнийг энд хорьсон хэрэг байв .

Үнэхээр ч түүний зохиолууд тухайн үеийн сэтгэлгээний хязгаарыг хэт давсан сэксийг маш илэн далангуй, харгис хэрцгий, санаанд оромгүй байдлаар үзүүлдэг байв. Түүнийг эмнэлэг нэртэй шоронд хорьсон хэдий ч тэрээр үйлчлэгч бүсгүй Мэддилинтэй хуйвалдан зохиолоо хэвлүүлсээр байдаг. Зохиолоо хэрхэн хэвлүүлж цаасан дээр буулгаж ном болгож байгаа киноны гол амин сүнс нь болдог.

Эхэндээ түүний язгууртан цол хэргэмийг хүндэтгэн үзэж түүнд бүх зүйлыг зөвшөөрдөг бөгөөд тэрээр гэртээ байгаатай адил тохилог байдаг байв. Харин тэгтэл түүний зохиол бүтээлээ туурвиад зогсохгүй хэвлүүлж байгааг эмнэлгийнхэн мэдсэнээр түүний бүх тавилга болон цаас, өдөн үзэг зэргийг хураан авдаг. Ингэснээрээ түүнийг хорьж чадна гэж бодож байсан боловч тэд буруу бодсон байлаа. Тэрээр зохиолуудаа хувцсан дээрээ бичин үйлчлэгч бүсгүй мэдиллинд угаалгахаар өгч харин мэддиллин түүнийг нь сэм хэвлэлийн газар аваачиж өгдөг байв. Энэ маягаар хэсэг хугацаа өнгөрнө гэвч удалгүй тэрээр эмч санваартан Колмэрт ахин баригдана.

Санваартан энэ удаад түүнийг өрөөнд нь нүв нүцгэлэн эхээс төрсөнөөр нь үлдээдэг. Гэвч номхоршгүй Сад зохиолуудаа хана тааз ер юм бичиж болох бүхэн дээр цус, үрийн шингэн, нус цэр гээд бичиж болох бүхнээрээ бичсээр л байдаг. Энэ хэсэг нь уран бүтээлчийн авьяас онгодыг зогсоох аргагүй гэсэн билэг тэмдэгийн чанартай мэт санагддаг.

Гэвч түүний энэ дийлдэшгүй байдалд хор шар нь буцалсан санваартан түүнийг номхотгох хувцастайгаар гянданд хорьж орхидог энэ үед арга мухардсан Сад үйлчлэгч бүсгүйд хэд хэдэн өрөөны галзуучуудаар дамжуулан өөрийн зохиолоо хэлж өгөн нийтлүүлэхийг оролдох үед шоронд үймээн гарна. Энэ үеэр мэдиллин бүсгүй алагддаг. Мэдиллинд санваартан колмэр сэтгэлтэй байсан нь түүнд хүнд цохилт болж энэ бүхэнд зөвхөн Садыг буруутай гэж үзэн түүнийг газар доорхи нүхэн гянданд хорьдог.

Чийгтэй, харанхуй, хүйтэн газарт хоригдсон Садын биеийн байдал маш хурдан муудаж эхэлнэ. Нэгэн удаа биеийн байдал маш муу болсон үед нь түүн дээр санваартан орж ирэн түүнийг загалмайлахад Сад түүнийг нь нь залгиж өөрийгөө хороосноор киноны үйл явдал төгсөнө. Энэхүү кино нь 3 удаагын оскарын шагнал хүртсэн юм.

Movie Club: THE FORGOTTEN

http://movieclub.blog.gogo.mn — Mon, 4 Jan 2010 19:04:49 ULAT

БИДНИЙ ӨНГӨРӨӨСӨН БҮХЭН ДУРСАМЖ, ХАРИН ИРЭЭДҮЙ ЗҮҮД ЗЭРЭГЛЭЭ. ТЭДНИЙГ ХҮССЭНЭЭРЭЭ ӨӨРЧИЛЖ БОЛНО.

БИД ӨНГӨРСӨН, ОДОО, ИРЭЭДҮЙ ГЭЖ ҮГҮЙ ЦАГ ХУГАЦААНЫ БАРИМЖААГҮЙ ЕРТӨНЦИЙНХ

Movie Club: Making Movie: Transformers: Revenge of the Fallen

http://movieclub.blog.gogo.mn — Mon, 4 Jan 2010 09:03:55 ULAT

Сайн байна уу Movie club ийн уншигчид аа. Энэ удаа Making Movie чиглэлээр буюу тэр кино хэрхэн бүтэж байгаа болон кино багийнхан, зураг авалтын ард юу болж өрнөж байгаа талаар бичихийг оролдъё оо.

Энэ удаа би Transformers цувралын 2-дугаар анги болох Transformers: Revenge of the Fallen буюу "Ялагдагчдын өшөө" авалт киног зохиолоос нь авахуулаад хэрхэн бүтэж байгаа талаар өгүүлье ээ. Мөн цувралын 3-р ангийн зохиол аль хэдийн бэлэн болсон бүр интернетэд ноорог хувилбар нь явж байв. Transformers цувралуудыг үзсэн хүмүүст байвал илүү сайн ойлгогдох болов уу.

Нийтлэлийн агуулга:

-Бүтээлийн үе шат
-Зураг авалт
-Эффектүүд
-Киноны хөгжим
-Киноны нээлт болон маркетинг гэсэн дараах хэсгүүдээс бүрдэнэ.

Бүтээлийн үе шат

2007 оны 9-р сард Paramount студи нь Трансформерсийн дараачийн цувралын нээлт 2009 оны 6-сарын сүүлчээр болно гэж албан ёсоор мэдэгдсэн байсан билээ. Тус кино продакшин нь 2007-2008 онд болсон Кино зохиолчдын Америкийн холбооны ажил хаялт болон бас кино найруулагчдын холбоо, дэлгэцийн жүжигчдийн холбооны ажил хаялт нь хамгийн гол бэрхшээл байсан бөгөөд энэ хүндхэн үеийг даван туулсан. Найруулагч Bay 2007 онд гарсан анхны киноноос хасагдсан дүрүүдийг дараагийн цувралд тоглуулж амилуулахаар хөдөлмөрлөж эхэлсэн. Тэд цувралаа даруй 200 саяар төлөвлөсөн нь өмнөх ангиасаа 50 саяар илүү байлаа. Мөн тэд роботуудын тулааны зарим хэсгүүд нийлээд танаж хассан юм.

Кино зохиолч Roberto Orci болон Alex Kurtzman нар ажил ихтэй байсан байсан учраас дараагийн цувралд анхнаасаа л оролцохгүй гэж байсан, иймээс кино студи 2007 оны 5 сараас хойш өөр кино зохиолчдын хойноос хөөцөлдөж эхэлсэн боловч өөр зохиолчдын бичсэн киноны гол үйл явдлуудтай хэсэгт сэтгэл дундуур байсан учраас “лам олдохгүй бол буцахдаа гэлэнгээ зална” гэгчээр буцаад Orci, Kurtzman хоёр дээр очиж кинондоо буцаж ирэхийг ятгасан юм. Paramount студи Трансформерсийн үүх түүхийн талаар арван хуруу шигээ мэдэх Ehren Kruger тай нэмж гэрээ байгуулсан байна. Paramount студи нийтдээ эдгээр 3 зохиолчид 8 сая доллар төлсөн байна.

Найруулагч Bay өөрөө 60 хуудас бүхий киноны санаа бичиж боловсруулжээ үүнд хошин инээдмийн аяс, шинэ дүрүүдийг илүү давамгайлуулж оруулах зэргээр санаагаа бичсэн бөгөөд үүн дээр 3 зохиолчид маань илүү дэлгэрэнгүй болгож зохиолоо бичиж эхэлсэн ба найруулагч Bay ийн хажууд зочид буудлын 2 өрөөнд бараг л түгжигдээд кино зохиолоо дуусгах гэж бүтэн 4 сарыг зарцуулсан юм. Трансформерсийг анх гарахаас өмнө продюсер Tom Desanto динозаврын дүртэй робот бүтээх гайхалтай санаа олсон боловч Bay болохоор зөөврийн нисэх онгоцыг ихэд сонирхож байсан ч эдгээр нь 2007 оны анхны кинонд багтаагүй үлдсэн юм. Харин зохиолч Orci Transformers: Revenge of the Fallen цувралдаа эдгээрийг оруулах сонирхолгүй байсан бөгөөд динозаврын дүртэй роботуудын дүр төрхийг сайшаагаагүй мөн зөөвөрийн нисэх онгоцнууд тохирохгүй гэж үзэж байжээ.

Дараа нь зохиолч Orci хэлэхдээ би динозавр мэтийн зүйлд дургүй учраас динозавр роботуудыг хэрэгсэхгүй байхыг дэмжсэн юм гэжээ. Харин төдөлгүй зохиолч Orci: динозавр роботууд нь шүтэн бишрэгчдийн дунд алдартай болж байсан учраас зураг авалтын үеэр тэдгээр нь надад илүү таалагдах болсон гэжээ. Найруулагч Michael Bay эдгээр динозавр роботуудад тун дургүй байсан бөгөөд гол дүрүүдэд оруулж тоглуулахад ер санаа тавиагүй бас Трансформерсуудын талаар маргааныг улам дэвэргэхийн тулд буруу ойлголт төрүүлэх ажиллагаа хүртэл хийж байсан ч энэ нээх их тус болоогүй гэж Orci илчилсэн байдаг.

Зураг авалт

Зураг авалт 2008 оны 5 сард Калифорни мужийн Лос-Анжелест эхэлсэн. Дотоод үйл явдлын зураг авалтыг урьд нь зураг авч байсан Hughes Aircraft ийн vista –д авсан. Харин 6 сарын 2 ноос эхлэн Шанхай хотыг төлөөлүүлэн ашигладаг нэгэн хороолол болох Пенсильван ийн Бэхэлнэм –д үйл явдлыг авах гэж 3 хоног зарцуулсан. Пенсильван ийн их сургуульд Тристоны их сургууль дээр зураг авалтууд явагдсан бөгөөд тэдгээр сургуулиуд сургуулийн нэрийг гаргахыг аль аль нь зөвшөөрөл өгөөгүй. Учир нь кинон дээр буудалцдаг мөн марихуна хэрэглэдэг, Sam ийн ээжийн инээдтэй хэсэг зэргээс болсон. Найруулагч Bay 6 сарын 30 нд Египетэд эхлэх байсан 3 хоногийн зураг авалтаасаа түр чөлөө авав. Учир нь тэрээр дүрсийг амилуулах тал дээр илүү их анхаарч байв. Шанхайн байлдааны талбартай хэсгийн зураг авалтыг дахин үргэлжлүүлэн Калифорнийн Long beach авсан.

Мөн зураг авалтын багийнхан 9 дүгээр сарын туршид New Mexico –д байх Holloman ний агаарын нисэх хүчний бааз, Цагаан элсэн дундах Missile Range хэмээх цэргийн баазууд дээр зураг авалтаа хийж байв. Энэ нь Египетэд болон 2007 оны ангид гардаг Катарын орчныг дүрслэн зураг авалт болж байв. Мөн Лос-Анжелест байдаг пирамидын загварыг нь пирамидыг илүү ойроос авах дүрсэнд ашиглаж байсан. Tucson олон улсын нисэх буудал, 309-р агаарын группийн нислэгийн талбай дээр 10-р сарын туршид зураг авсан энэ хэсэг нь Prime directive-т хамаарагдаж байсан бөгөөд урьд нь “оддын дайн” киноны зураг авалт хийгдэж байсан байна. Зураг авалтын 1-р баг Египетэд явж 3 хоногийн дотор Гиза пирамид болон Luxor ийн зураг авалтын хийж дуусгасан.

Аюулгүй байдлын үүднээс зураг авалтын маш нууцаар хийсэн байна. Мөн тэд Lorenzo гэдэг байгууллагын тусламжтайгаар 150 гаруй америк, 130 аад египетчүүдийг зураг авалтандаа оролцуулсан нь улам гайхалтай болгож байжээ. Мөн найруулагч Bay пирамид дээр гарч зураг авахын тулд Zahi Hawass гэгч хүнээр дамжуулан Египетийн засгийн газарт мөнгө төлсөн юм. Египетчүүд манай пирамидыг битгий гэмтээгээрэй гэж захиж байжээ. 50 foot өндөр крантай камер чирж гаргаж зураг авах байсан учраас тэгж хэлэх нь араггүй юм. Мөн Иорданд очиж 4 хоног зураг авалт хийсэн. Тэндхийн нэгэн хун тайжид 2007 оны кино нь ихэд таалагдсан учир тэнд зураг авахад ихээхэн дэмжлэг болжээ.

Жүжигчид болон зураг авалтын багийнхан 2008 оны 11 сарын 2 нд сүүлчийн зураг авалтаа USS агаарын нисэх хүчин дээр дуусгасан. 2007 оны киноны зураг авалтыг 5 өөр хотод авсан учраас киног ойлгоход бага зэрэг төвөгтэй болгож байсан харин энэ удаагийн Египетэд дэх элсний тулаан нь тун ойлгомжтой болсон хэмээн Найруулагч Bay дурджээ.

Эффектүүд

Hasbro болохоор 2007 оны роботуудаас илүү сайн загвар хийц дизайныг энэ цувралд гаргахын хүсчээ, Харин filmmaker Takara Tomy болохоор роботуудыг хосолж оруулах саналыг тавьжээ. Тэд хуучин ангиас роботууд эргэн ирж байгаа боловч шинэ дизайнтай өвөрмөц содон байхыг шаардаж байв. Учир нь хүмүүст ижил дизайн загвартай роботууд сонин биш байсан байх. Найруулагч Bay тулааны талбар дээр F-16 шонхор сөнөөгч онгоц болон галт Танкийг бодитоор оруулан зураг авч байсан юм. Мөн тэд Роботуудыг машин байх хувилбарыг нь дэлгэцнээ гаргаж өгөхийн тулд General Motors компаниар хурц тод өнгөтэй машинуудыг хийлгэж байв. Scott Farrar болохоор visual effects талдаа мөн дүрсний хөдөлгөөнийг нарийн хянаж хийх ажил дээр дахин нэгдэж оролцсон.

Кино бүтээгчид Энэ удаагийн ангийг илүү их сайн эффектүүд гаргуулахын тулд их хэмжээний мөнгө хаяж байсан тиймээс Трансформерсуудыг илүү тод томруун дүрслэхийг хичээжээ. Харин Peter Cullen гэх хүн хэлэхдээ бид 2007 онд Optimus Prime хэмээх кинонд компьютер дүрсийг амьд болгохын тулд асар их хөрөнгө мөнгө гаргаж байсан ч энэ нь ердөө л дундаж орлого олж байсан хэмээн сануулж байжээ. Найруулагч Bay роботуудын нүүр царайг илүү ойроос татаж оруулахыг зорьж байв харин Scott Farrar болохоор моддын найгах орчин тойрон мөн роботын шүлсээ хаях хөлс гарах хий гаргах зэрэг үзэгдлүүд дээр голлон анхаарч ажиллаж байв. Дүрсийн нэгхэн хэсгийн амилуулахад бүхэл бүтэн 72 цаг шаардагдаж байсан бөгөөд 2007 оны кинон дээр компьютер ILM хүчин чадал дээр 15 терабайт ашиглаж байсан бол энэ удаагийн цуврал дээр 140 терабайт ашиглаж байв.

Киноны хөгжим

Transformers: Revenge of the Fallen хэмээх цомог гаргасан бөгөөд кинонд зориулж Steve Jablonsky дууг нь зохиожээ. Jablonsky найруулагч Bay тай хамтран энэхүү дуугаа 71 янзаар найруулж аяз чинээ зэргийг Hollywood Symphony studio бичүүлж гаргаж авчээ. Jablonsky продюсер Zimmer тэй хамран хийсэн дуугаа New Divide хэмээх нэрлэж Linkin Park хамтлагаар дуулуулсан байна.

Киноны нээлт болон маркетинг

Transformers: Revenge of the Fallen анхны нээлт Японы токио –д 2009 оны 6 сарын 8 нээлтээ хийсэн Дараачийнх нь 6 сарын 19 нд Их Британид ,6 сарын 24 Америкийн кино театруудад нээлтээ хийж байв. Мөн зар сурталчилгаанд нийлээд хэдэн сая доллар зарцуулж байсан бөгөөд шинэ анги дээр гарч буй бас хуучин анги дээр ч гарч байсан роботуудын загвартай тоглоомуудыг 5 сарын 30 худалдаанд гаргаж байжээ. Мөн 2009 оны 8 сар гэхэд хувирдаг хөдөлгөөн хийх чадвартай робот тоглоомуудыг худалдаанд гаргав.

Кинонд хамтран ажилласан гол байгууллагууд нь Burger King, 7-Eleven, LG phones, Kmart, Wall*mart, YouTube, Nike, M&M зэрэг пүүс компаниуд байв. Харин General Motors санхүүгийн дэмжлэг үзүүлэх тал дээр боломжгүй гэдгээ мэдэгдсэн, тэр үеэр тус компани дампуурах дөхөөд байсан даа. Paramount pictures ийнхэн болохоор бид GM байсан байгаагүй ч маркетинг амжилттай хэрэгжиж 2007 оныхоосоо ч илүү өргөн цар хүрээтэй болсон хэмээн мэдэгдэж байв. Revenge of the Fallen нэртэй машины загвар хүртэл гарчээ. 2010 Camaro Indianapolis 500 загварууд хүртэл гарчээ. Энэ кино маань 2009 оны 6 сард нээлтээ хийж 2009 оны 10 сар хүртэл буюу 114 өдөр 16 долоо хоногын дотор 4923 кино театруудаар гарч нийт дэлхий даяар $834,969,807 олсон юм байна.

За эцэст нь үүнийг товчхон бичлээ. Үйл явдлын илүү ихээр сайн дүрсэлж бичий гэвэл нилээд урт болох гээд байна. Нэг кино төрнө гэдэг бол асар их хөрөнгө, хүн хүч зарцуулагддаг болохыг эндээс харж болох юм.

HERO

Movie Club: Love Actually

http://movieclub.blog.gogo.mn — Sun, 3 Jan 2010 21:19:23 ULAT

Хайр гэж... Энэ үг юуг өгүүлдэг юм бол?

Тийм ээ энэ тухай Universal Pictures 2003-н онд өгүүлжээ. Энэ бол "Love Actually" уран сайхны кино. Уг кинонд бүх төрлийн дотно харилцаа бий, харин аль нь жинхэнэ хайр вэ гэдэг нь асуудал.

Хайр бидний эргэн тойронд битүү байна шүү дээ. Гол нь түүнийгээ мэдрэж таних хэрэгтэй.

Түр уулзаад өнгөрсөн хүн чинь хайр чинь ч юм билүү хүмүүс анхны харцаар дурладагт итгэх хэрэгтэй, магадгүй ийм зүйл танд тохиох ч юм билүү.

Та хайраа олсон бол зоригтой бай гэхдээ бас хүлээцтэй ханд түүнд юу ч тохиолдож болно, түүнд бас чамаас өөр хайртай хүн байдаг юм шүү.

Чи үнэхээр хайртай юу? Хэдий та 2 хамт ажилдаг байнгын харилцаатай ч гэсэн чамд түүнийг анх болзоонд урих нь хэр хүнд байсан бэ? Болзооны дараах анхны үнсэлт чамайг догдлуулж чадсан уу? Хэрвээ тийм гэж хариулж байгаа бол чи үнэхээр хайртай юм байна.

Тэр чинь чиний жинхэнэ хайр мөн гэдэгт итгэлтэй байна уу? Тийм бол та 2-т юу ч саад болохгүй эрх мэдэл, албан тушаал, тэр ч бүү хэл нэг нэгнийхээ юу хэлж байгааг ойлгодгүй өөр үндэс угсаатай эсэх нь ч хамаагүй, бас та хоёр хэдэн настай байх нь ч нөлөөлөхгүй тиймээс түүнийхээ төлөө бүгдийг хий. Гэхдээ мэдээж найзынхаа эхнэрт дурласан бол учиргүй чичрэх нь утгагүй хэрэг шүү дээ, тиймээс хэмжээ хизгаартай харицах нь чухал, мэдээж чи найзыгаа гомдоомооргүй байгаа биздээ.

Дур хүсэл тачаал хүнд бас байлгүй яахав , гэхдээ гэр бүлээс илүү үнэтэй зүйл гэж юу байх билээ.

Хайртай хүн чинь тэнгэрт хальлаа гээд бүгдийг хаяаад гуниж гутрахад хамаг цагаа зарцуулж болно гэж үү? Чамд түүний үлдээсэн томоос том хайр байна шүү дээ тиймээс чамд уйлж унжих зав байхгүй шүү.

Хамгийн гол нь аз жаргалтай мөчүүддээ чи хэнтэй хамт байхыг хүсдэг вэ? Тэр чинь л чиний жинхэнэ хайр!

Тиймээс хайртай хүнтэйгээ хамт шинэ жилээ угт оргилуун дарсаа буудуул, түүндээ хайртайгаа хэл, түүнийгээ тэвэр...

...

(Дэлгэцийхээ ханын цаасыг доорх зургуудаар будаарай, сайхан зүйл сайхан бодлыг төрүүлдэг, сайхан бодол сайн үйлийг бүтээдэг)

Movie Club: 12-р сарын шилдэг уншигч хэн бэ?

http://movieclub.blog.gogo.mn — Thu, 31 Dec 2009 14:30:50 ULAT

Бид сар бүрийн эцэст блогийнхоо Шилдэг уншигч гашраагчыг тодруулдаг билээ.

Улиран өнгөрч буй 2009 оны 12-р сарын Шилдэг уншигчаар Moonoo блоггер тодорч байнаа.

Бидний блогтоо бүтээхийг зорьж буй кино ертөнцөөр байнга хамтдаа аялж санал, шүүмжээ илгээдэг явдалд баярлалаа Moonoo.

Блогийн зүгээс Шилдэг уншигч Гашраагч Мoonoo http://bymoonoo.blogspot.com/ -доо уламжлал ёсоор кино дурсгал болгох бөгөөд бидэнтэй холбогдон ирж гардан авахыг хүсье.

Нийт уншигчиддаа Шинэ оны мэнд дэвшүүлье

"Бүх урлагийн тодроос хамгийн чухал нь кино урлаг юм" гэж хэн хэлсэн бэ таасан хүнд нь 5 оноо газар дээр нь өгнөө.

Movie Club: Зиа би нэг мэндчилгээ илгээе ээ

http://movieclub.blog.gogo.mn — Thu, 31 Dec 2009 12:13:14 ULAT

Кино гашраагчдийн бүлэг үүсээд 2 сар гаран боллоо. Энэ хугацаанд маш сонирхолтой, чанартай, ажиллагаатай, сайн бичлэгүүд нийтлэгдаж бсан гэдэгтэй та бүхэн санал нийлэх байх.

2009 оныг дурсаж ярих яриагаар дүүрэн, хийх бүтээх хүсэл эрмэлзэл ихтэйгээр үдэж 2010 оноо хүлээн бга энэ мөчид блогийнхоо эрч хүчээр дүүрэн админ, авторууддаа мөн Movie Club-н уншигч нартаа, блогчиддоо

ШИНЭ ОНЫ БАЯРЫН МЭНДИЙГ ДЭВШҮҮЛЖ БАЙНА.

Шинэ оноо сайхан угтаарай.

Өмнө нь дандаа л киноны зургууд тавигддаг бсан. Энэ удаа дайчныхаа зургаар пост хийлээ.